Griaß Eich und herzlich willkommen bei „A feins Gwand“!
Mir san a kloana Familienbetrieb, der als oana vo wenigen echte handbestickte individuelle „Säckler-Lederhosen“ fertigt. (lederhosen-michi.de)
Dadurch leg‘n mir sehr großen Wert auf Tradition, Nachhaltigkeit, Qualität und Langlebigkeit.
Aa Vielfalt und Individualität san uns wichtig.
Durch den Verkauf vo hochwertigen Trachtenhemada und Pfoadn bei uns im Gschäft samma auf de Idee kemma, de scheena Pfoadn aa mit am Internet-Lad‘n in de große weite Trachtenwelt naus zu trag‘n und so am großen Publikum de Möglichkeit zu gem, a feins Gwand o zu ziang.
Bei da Auswahl vo unsre Hersteller is‘s uns wichtig, dass de Stoffe nachhaltig produziert wern (de meisten davo sogar in Deutschland und Österreich), und dass mit de Mitarbeiter in de Nähereien fair umganga werd.
Mtm’m Kauf vo Deim feinen Gwand zoagst Du ned bloß Dein guadn Gschmack und Dei Liab zur Hoamat, Du unterstützt aa Produzenten, de auf unsre Umwelt und auf d’Angestellten schaung!
Unsre Trachtenhemada und Pfoadn san fast ausschließlich Kollektionswaren. Des hoasst de Stoffe und de Hemada wern genau für oa Saison gmacht, dann gibt’s es nimmer. Dadurch kimmt a enorme Vielfalt zam, und man sieht mit da Zeit ned an Haufn Leit, de mit’m gleichen Gwand rum roasn.
Aa Umweltschutz is dabei natürlich a groß‘s Thema. Dazua ghört für uns aa, dass da Kunde möglichst gezielt und mit Hirnschmoiz bstoid, so dass ma ned so vui Packerl unnötig durch d’Weltgschicht gondeln muass.
Mir wünschen Eich vui Spass mit Eurem neien feinen Gwand und sag’n scho jetz a herzlichs Vergelt’s God!
Corina und Michi Krippel
